• dle 10.2
  • ,
  • наши фильмы
  • Регистрация    Войти
    Авторизация
    » » » ШIуагъэ къэзытырэ Iофтхьабз ШIуагъэ къэзытырэ Iофтхьабз

    ШIуагъэ къэзытырэ Iофтхьабз ШIуагъэ къэзытырэ Iофтхьабз

    Категория: Новости / Экономика

    Непэ, мэлылъфэгъум и 15-м Мыекъуапэ ермэлыкъ щэкIо. Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Мурат игукъэкIыкIэ народнэ ермэлыкъхэр апэу зыщызэхащэгъэ шъолъырхэм Адыгеир ащыщ. Социальнэ мэхьанэ зиIэ гъомылапхъэхэр нахь пыутэу цIыфхэм къаIэкIэхьанхэм мы Iофтхьабзэр фэIорышIэ.


    ШIуагъэ къэзытырэ Iофтхьабз ШIуагъэ къэзытырэ Iофтхьабз
    Илъэсым къыкIоцI Мыекъуа­пэ имызакъоу республикэм имуниципальнэ образованиехэм зэкIэми ермэлыкъхэр ащызэхащэх, цIыфхэм яшIуагъэ ара­гъэ­кIыным республикэм ипащэхэр пылъых. Адыгеим щысэу къыгъэлъэгъуагъэр тикъэ­ралыгъо ишъолъыр зэфэшъхьаф­хэм джырэ уахътэ ащагъэ­федэ.

    Хабзэ зэрэхъугъэу, гъомылэпхъэ зэфэшъхьафхэр къыдэ­зыгъэкIырэ предприятиеу республикэм итхэр ермэлыкъым хэлажьэх. Мы Iофтхьабзэр зэ­хащэным ыпэкIэ Адыгэ Республикэм экономикэ хэхъоны­гъэмкIэ ыкIи сатыумкIэ и Ми­нистерствэ иIофышIэхэр предприниматель пэпчъ адэгущыIэх, ермэлыкъым зэрэхэлэжьэнхэ алъэкIыщт амалэу щыIэхэр агурагъаIох.

    Лыр, пцэжъыер, щэм ыкIи хьаджыгъэм ахэшIыкIыгъэ шхыныгъохэр, хэтэрыкIхэр, пхъэшъхьэ-мышъхьэхэр, нэмыкIхэри ермэлыкъым къыращалIэх. Эко­номикэ хэхъоныгъэмкIэ ыкIи сатыумкIэ и Министерствэ къы­зэрэщытаIуагъэкIэ, гъомылапхъэхэр нэмыкI къэралхэм къаращынхэ фимытхэу зэрашIы­гъэм ыкIи ащ ыпкъ къикIыкIэ къыдагъэкIырэм ауасэ къызэрэ­дэкIоягъэм къыхэкIэу мыщ фэ­дэ ермэлыкъхэр зэхэщэгъэнхэм мэхьанэшхо яI. ЧIыпIэ предпринимательхэм япродукцие IуагъэкIынымкIэ IэпыIэгъу афэ­хъугъэныр ары ермэлыкъым пшъэрылъ шъхьаIэу иIэр. Соци­альнэ мэхьанэ зиIэ гъомылапхъэхэр республикэм щыпсэурэ цIыфхэм аIэкIэгъэхьэгъэным министерствэм ынаIэ тырегъэ­ты. Джащ фэдэу бэдзэрым щыIэ уасэхэм анахь пыутэу гъомылэпхъэ зэфэшъхьафхэр цIыфхэм ермэлыкъым щащэфынхэ алъэ­кIыным пылъых.

    Мыщ фэдэ Iофтхьабзэхэр зэхэщэгъэнхэм мэхьанэшхо зэриIэр, ащ цIыфхэми, предпринимательхэми яшIуагъэ къызэрякIырэр пчъагъэрэ къыхигъэщыгъ КъумпIыл Мурат.

    Ермэлыкъыр Мыекъуапэ иурамэу Советскэм (урамхэу Майкопскэм къыщегъэжьагъэу Победэм нэс), урамэу Михайловым ыкIи урамэу Димитровым (урамхэу Чкаловымрэ Юннатовымрэ ацIэ зыхьыхэрэм азыфагу) ащыкIощт. Мы чIы­пIэхэм былымылыр, мэлылыр, къолыр, чэтылыр ыкIи нэмыкI гъомылапхъэхэу цIыфхэр анахь къызыкIэупчIэхэрэр ащащэ­щтых. Ащ нэмыкIэу Адыгеим ит предприятиехэу щэм, хьаджыгъэм ахэшIыкIыгъэ шхыныгъохэр, консервнэ продукциехэр, дагъэ, нэкулъ ыкIи IэшIу-IушIухэр къэ­зышIыхэрэр къекIолIэщтых.

    Тикъэлэ шъхьаIэ щыпсэухэрэм ыкIи хьакIэхэм бэдзэрым щыIэ уасэхэм анахь пыутэу гъомылэпхъэ зэфэшъхьафхэр ермэлыкъым щащэфынхэ алъэ­кIыщт, ахэм ядэгъугъэ щэфакIо­хэм мы чIыпIэм щауплъэкIун амал яIэщт.

    КIАРЭ Фатим. 



    Источник: Газета Адыгэ Макъ
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.
    х