• dle 10.2
  • ,
  • наши фильмы
  • Регистрация    Войти
    Авторизация
    » » » Сомэ миллион 337-рэ къыхагъэкIыгъ Сомэ миллион 337-рэ къыхагъэкIыгъ

    Сомэ миллион 337-рэ къыхагъэкIыгъ Сомэ миллион 337-рэ къыхагъэкIыгъ

    Категория: Новости / Экономика

    Мыекъуапэ игъогухэм ягъэ­кIэжьын пае Адыгеим ихэбзэ Iэшъхьэтетхэм 2017-рэ илъэ­сым сомэ миллион 337-рэ къыхагъэкIыгъ.

    Ащ щыщэу сомэ миллион 200-р къэлэ гъогухэм ягъэцэ­кIэжьын, миллиони 137-р Шэуджэным ыцIэ зыхьырэ урамым теIэтыкIыгъэ лъэмыдж зэпырыкIыпIэм игъэкIэжьын ухы­гъэным апэIуагъэхьащт.

    2017-рэ илъэсым ибжыхьэ лъэмыджым рыкIохэу рагъэжьэ­жьыщт. Изытет зэрэдэигъэм, тхьамыкIагъохэр къыщыхъунхэ зэрилъэкIыщтым япхыгъэу 2016-рэ илъэсым ишэкIогъу мазэ ар зэфашIыгъ. Лъэмы­джым метрэ 480-рэ фэдиз икIы­хьагъ. Лъэмыджыр агъэцэкIэ­жьызэ, ар зэзыпхырэ пкъэухэр агъэпытэщтых, бетон кIэ­гъэкъонхэр зыпкъ рагъэуцожьы­щтых, асфальтыр зэблахъущт, лъэсгъогухэр зэтырагъэпсыхьа­щтых, остыгъакIэхэр тырагъэ­уцощтых.

    КъумпIыл Мурат Адыгэ Республикэм псэолъэшIынымкIэ, транспортымкIэ, унэ-коммунальнэ ыкIи гъогу хъызмэтымкIэ и Ми­нистерствэ иIофышIэхэм гъэцэ­кIэжьынхэр зыщыкIорэ лъэхъа­ным автотранспортыр лъэ­мы­джым зэрэрыкIощт шIыкIэу къы­хахыгъэмкIэ адыригъэшта­гъэп. Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцакIэрэм цIыфхэм ящынэгъончъагъэ къыдэлъытэгъэн, псэолъэшIынымкIэ пIалъэу, шапхъэу щыIэхэм адиштэу Iоф­шIэнхэр дэгъоу зэхэщэгъэн зэ­рэфаем анаIэ тыраригъэдзагъ.

    Адыгэ Республикэм и ЛIышъ­хьэ ипшъэрылъхэр зыгъэца­кIэрэм Мыекъуапэ имэрэу Александр Наролиным ыгу къы­гъэкIыжьыгъ гъогухэм ягъэцэ­кIэжьын къэлэ хэбзэ Iэшъхьэ­тетхэм рахъухьэ зыхъукIэ цIыф­хэм яшIошIхэр къыдалъытэн зэрэфаер.

    Джащ фэдэу 2017-рэ илъэсым сомэ миллиони 100-м ехъу щагухэм, сомэ миллиони 10 фэдиз лъэсрыкIо зэпырыкIыпIэ­хэм язэтегъэпсыхьан апэIуа­гъэхьащт.



    Источник: Газета Адыгэ Макъ
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.