• dle 10.2
  • ,
  • наши фильмы
  • Регистрация    Войти
    Авторизация
    » » » Адыгеим ипромышленнэ предприятиехэм хэхъоныгъэ ашIыным иамалхэр Адыгеим ипромышленнэ предприятиехэм хэхъоныгъэ ашIыным иамалхэр

    Адыгеим ипромышленнэ предприятиехэм хэхъоныгъэ ашIыным иамалхэр Адыгеим ипромышленнэ предприятиехэм хэхъоныгъэ ашIыным иамалхэр

    Категория: Новости / Экономика

    Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл ­Муратрэ Урысые Федерацием промышленно­стым­кIэ ыкIи сатыумкIэ иминистрэу Денис Мантуровымрэ зэдэгущыIэгъухэр Москва бэмышIэу щызэдыря­Iагъэх.

    Урысыем промышлен­но­стым­кIэ ыкIи сатыумкIэ и Министер­ствэ къыфэгъэзэгъэ къэралыгъо программэхэм рес­публикэм ипромышленнэ пред­прия­тиехэр зэрахэлэжьэщтхэм япхы­гъэ Iофыгъохэм атегу­щы­Iагъэх.

    Республикэм ипромышленнэ предприятиехэм хэхъоныгъэ ашIынымкIэ тапэкIэ зэзэгъыны­гъэу зэдашIыгъагъэхэр агъэцэ­кIэнхэм мэхьанэшхо зэриIэр Денис Мантуровым хигъэунэ­фыкIыгъ. Федеральнэ минист­рэр 2015-рэ илъэсым итыгъэ­гъэзэ мазэ Адыгеим къызэкIом ащ фэдэ зэзэгъыныгъэхэр зэдашIыгъагъэх.

    «Адыгэ Республикэм иминистрэхэм я Кабинетрэ республикэм ипредприятиехэмрэ Урысыем промышленностымкIэ ыкIи сатыумкIэ и Минис­терствэ зэпхыныгъэ дэгъу ды­ряI. НепэкIэ мэхьанэшхо иI ти­зэдэпсэуныгъэ зегъэушъомбгъугъэным. Къэралыгъо Iэ­пы­Iэгъум ишIуагъэкIэ предприятиехэм продукциер нахьыбэу къыдагъэкIын алъэкIыщт», — хигъэунэфыкIыгъ КъумпIыл Мурат.

    Адыгеим ихабзэ икъулы­къу­хэм ищыкIэгъэ документхэр агъэ­хьазырыгъэх. инвестицион­нэ зэзэгъыныгъэхэр зэдашIыхэ ыкIи промышленнэ ­паркхэр агъэпсыхэ зыхъукIэ хэбзэIахь фэгъэкIотэныгъэу агъэфедэщт­хэр къыхахых.

    Денис Мантуровым ­Адыгеим ипредложениябэмэ къадыри­гъэштагъ, ахэм ягъэцэкIэнкIэ ищыкIэгъэ пшъэрылъхэр афи­шIыгъэх. Республикэм илIыкIоу Урысыем промышленностымкIэ ыкIи сатыумкIэ и Минис­терствэ щыIэщтыр агъэнэфэнэу рахъухьагъ.



    Источник: Газета Адыгэ Макъ
    Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо зайти на сайт под своим именем.